Komikal Iskits

[ug sa tumang kalaay, nakabuhat ko ani]

Suliran kini nga gipadala sa usa ka isda nga gustong mopatago sa ngalan nga... awww, wa may kataguan, di nalang, cya si Nemo, nagpuyo sa kalusayan, pasil city. Usa ka buntag ana, samtang nagdigwa si Nemo, niduol ang yang inahan nga si Willy unya nagkanayun...

Willy: "Pasabta ko ani Nemo, nganu man ka nagdigwa, pasabta ko.. ayaw kog ingna nga... (di siya kaluwat ug sturya, unya nisiga ang mata human mosantop sa yang huna-huna nga posibleng nagsabak si Nemo), dili.. dili!! kinsa'y amahan ana. Lapirot kang dako.. Bigaon ka.. Bigaon!! Unsaon nalang ang pangandoy namo sa imong amahan nga si Jaws. Nagtuo mi nga ikaw ang mohaw-as nato sa kakabus. Di ni nako madawat.. Dili.. Dili!!".

Unya nagkanayun si Nemo nga nitibi ang baba ug nag awas-awas ang luha...

Nemo: "Momskie, wala ni nako tuyua, sayud ko nga sayup ni pero wala nako'y mahimo".

Ni lingo-lingo si Willy, ingon nga di niya madawat ang panghitabo, ug mipadayun si Nemo.

Nemo: "Pasayloa ko Momskie, pasayloa ko, kung kinahanglan moluhod ko, ako kanang buhaton..".

Willy: "Dili lang ka igat, bugo paka.. Unsaon man nimo pagluhod nga wa man kay mga tiil? Isda ka, wa kay tiil.."

Nemo: "Aww oh diay noh?"

Willy: "Tug-an kinsay amahan. Kinsa ang na namastamas sa imong pagka-isda.. Kinsa?! Igat ka isdaa ka.. Igat!"

Nemo: "Momskie, kung ang mga balud mobalik man gani sa baybayon aron mohalok ug mohaplos sa iyang hinigugma nga pangpang, ako pa kaha nga isda lang?"

Willy: "Buang ka? Pasagdi nang balud mag-inigat kay wa na silay matres.. Molusot paka buktuta ka?"

Nidagayday ang dagkong tulo nga mga luha sa aping ni Nemo. Ug dihang tungura niabot ang amahan nga si Jaws gikan nag clubbing, hubog ug pula kayu ang mga mata.

Jaws: "Willy.. Honey.. Ania na ako!"

Nangurog ang tuhod ni Nemo (aw! wa man diay siya tuhod kay isda siya!)..

Nemo: "Momskie, ania na si Popskie.. Tabangi ko Momskie.. Tabangi ko pagpasabot niya.."

Ug diha diha, nisulod na sa pultahan sa bungalow style nga coral ang nakainum nga amahan. Ug shocked siya pagkakita sa yang asawa ug anak nga nabulit sa sip-on ug luha.

Jaws: "Unsa kini.. Nganu man nag amards mo? Abi kog nahuman na ang Tayong Dalawa, nganu man ug ingon sa nabukog mo?"

Willy: "Isda ta.. Mabukog ba diay ang isda?"

Jaws: "Whatever.. Matug sa ko."

Willy: "Yuna ra, mag sturya sa ta."

Nemo: "Momskie, mas maayu kung patulugon sa nimo kadiyut si Popskie, para naa siya'y kusog nig makahibaw sa atong ibalita."

Jaws: "Yeah.. Whatever! Patulga sa ko.. Ipiyung sa nako akong mata kadiyut."

Willy: "Piyung sa mata, isda ka, kapiyung ba diay ka?"

Jaws: "Ah! Basta. Pahulay sako kay naa pakoy lakaw unya?!

Willy: "Lakaw? Tiil ray makalakaw. Isda ka..Di ka kalakaw. Isda ka!"

Nemo: "Momskie husto na."

Niginhawa lalum si Willy, ingon nga mawad-an siyag panimuot.. Unya..

Willy: "Di ka pwede mopahulay.. Naa tay sturyahan.. Importante.."

Jaws: "Unsa man ba? Unsa ni ka importante nga di man jud ko nimo papahulayun?"

Willy: "Ang imong anak.. Ang igat mong anak.. Nagsabak!!!.."

Ug ingon sa nahugno ang kalibutan sa atubangan ni Jaws.. Wa siya katingog. Ni balikid siya pag-atubang ni Nemo ug ni lingo-lingo. Masulub-on kaayu ang iyang mga mata.. Wala niya damha nga ang anak nga iyang gialimahan pag-ayu makaingon ka niya ani. Ni hinay-hinay siya'g lingkod ug miingon (di man diay siya ka-lingkod kay isda siya..)...

Jaws: "Nganu ni nimo nabuhat Nemo? Wala mi nagkulang ug pahinumdum nimo kung unsay sayup ug unsay sakto. Ngano? Tubaga ko! Ngano?"

Nemo: "Popskie, husto na.. Basin atakihon ka sa hayblad.. Husto na Popskie. Pasaylua ko.. Pasaylua ko sa akong nabuhat."

Jaws: "Unya nig panganak nimo, unsaon na man lang ang imong pagtungha?"

Willy: "Di na siya manganak kay isda na siya. Isda si Nemo.. Isda.. Mangitlog ra na siya."

Jaws: "Sorry.. Ka wala nako magdahum ani.. Nasakitan pag-ayu ko anak. Nasakitan pag-ayu ko."

Nemo: "Popskie.. Kabalo ko kung unsa kasakit ni para nimo.. Pero wala nako'y mahimo.. Anaa na man ni.. Pwede ba nga ato nalang ning dawaton? "

Jaws: "Di ko kadawat.. Dili.."

Nemo: "Huhuhuhuhu.. Popskie.. Inig katawo aning naa sa akong sabakan, madawat lang unya ni nimo."

Willy: "Unsay inig katawo? Dili na matawo kay isda na siya.. Isda!! Kapila ko man balik-balikon ni, ha? Isda tang tanan.. Isdaaaaaaaaaaaaaa!!"

Ug sa kalagot ni Willy, nawad-an siyag panimout.. Mao ra to..