sa hayskul pa si inday

• si Inday kung tap-ilan, mokusmod dayun, pa dili-dili, dayung tikubo kay sa notebook gi FLAMES ang ngalan sa gi tap-il ug niya, maguol kung maadto sa ENEMY.
• mahurot ang notebook nga gipalit ni mama kang inday kay sa autograph gi gamit. Who is your crush: 16 + 9, tange!
• sus uso kayo ang song notes, hala lista sa mga kanta, bahalag nanghubag ang mga tudlo ni inday, kupya taman sa ginhawa, kanta sa Westlife og ni Aiza Seguerra, bahalag mahagbong sa subjek ni sir basta makumpleto lang jud ang kanta.
• buotan kayu si inday kay nagbasa og libro sa "Araling Panlipunan", temsa, nganu man nag tiwadlang ang libro ni inday, hay jusmiyu, kay sa tunga sa libro naghipi ang "precious romance" novel nga hinulman sa klasmit.
• naay assignment sa algebra, first subject pajud. pero hapit na mahuman ang "Rosalinda", kinahanglan motan-aw ni Inday kang Thalia kay mangloud nya to.. ug ang ending, pagka-ugma, nagbagting na para flag ceremony, si Inday dagkog lugas ang tulo sa singot kay nangupya pag assignment sa klasmit..
• "Cleaners for the day" nasad, lampaso nasad ta ani. ah! wala bitaw si ma'am, unsay ako!!, maglingkod kos daplin... ug hala si ma'am nagpadulong, kuha dayun og lampaso ug silhig, lalumon ang gininhawa aron ingnun kikapoy og linimpyu.
• the infamous - abot si ma'am, dayung ingon "Get one-fourth", ug si Inday sa ka-rattle nakaingon "one-fourth ma'am?"
• exam napud ni sir, hastang! wa nasad katuon kay giuna ang "Son Guko" og "Ghost Fighter", unsa gani to tubag sa number 5, nagpangalot bisan dili katol. kuhit sa tapad, di man molingi. ug ang score tawn ni Inday, lingin pas itlog.
• "No Speaking Dialect", matud pang maam, dako kayung krus jud ni ni Inday, unsaon na tawn niya pagsummary sa yang tapad ang panghitabo sa latest "precious romance" novel nga yang nabasa. Hala hungihung jud ug taman kay madunggan, penalty nasad.
• puti kayu ang nawong ni inday, murag nakadasmag ug harina. tunga sa johnsons baby powder ang nahurot nianang adlawa. nya ang buto2 sa dughan abot sa pikas klasrum, di ni ikatingala kay sa bintana si dodong nanitsit, makigdungan niyag bagtas padung sa traysikulan.
• niabot si inday sa skul nga nanghubag ang mga mata intawn, murag giid-iran ug uling ang palibot sa mata kay wa katulog kagabii, kay si dodong nakigbulag niya sa likod sa paril kagahapon.

- cheers to onhs batch 2002